L'istòri se debano dins lou Mountana is Estat-Uni.
Un bouscatié es à coupa de bos pèr soun usage, fin d'agué caud aqueste ivèr. Passo un indian que se ié dis " Testo d'ourse que regardo passa la luno". A chasque passage l'indian saludo lou bouscatié e se dison quàuqui mot.
Lou bouscatié:
- Digo-me...tu que siés un pau masc...aquest ivèr fara fre?...
-Vo !... hugh...iver forço fre !...
E zóu mai lou bouscatié repren la rèsso e la destrau...
Quinge jour après au passa de Tèsto d'ourse...que saludo mai, lou bouscatié, aquéu ié ven:
Creses que l'ivèr sara tant fre qu'acò ?...
- Vo!...hugh...ivèr forço fre!...
E l'indian fai tira vers lou vilage...
Alors lou bousatié repren mai la rèsso e la destrau...e la mountagno de bos aumento encaro...
La quingeno que seguis, "Testo d'ourse.." es arresta pèr lou bouscatié:
- Moun fraire "Testo d'ourse..." te vouliéu demando uno causo:
- Hugh ! ...moun fraire pòu demanda!...ai di !..
-Coume fas pèr saupre que l'ivèr sara tant fre?...
-Moun fraire, "l'ome à la destrau", encò de la tribu, un prouvèrbi dis:" Quouro l'ome à la destrau coupo un moulounas de bos...ivèr forço fre" !...

 

23928221