La journado di vesin

Dins lou vilage de Saro-me-la-Taiolo, lou pedoun fai sa tournado, e coume counèis tóuti li Taioulen, charro à l'un, saludo l'autro...mai es proun estouna encò de madamo Oulivié de vèire penja un liçòu...em'un bèu trau au mitan !

- Oh !, Juliano ! dequé s'es passa pèr aquéu linçòu ?

- Ah ! Micoulau!...se sabias !...dimenche avèn ourganisa uno pichoto fèsto emé li gènt dóu quartié !...se ié dis "la festo di vesin"...chascun avié adu pèr béure e pèr manja, e i'avié pèr faire sa chausido : l'aiòli, la choucrouto, li cacalauso, li pèd-paquet, li poumo d'amour farcido, de pasto, un rousti de porc, de saussissot...de froumage de touto meno, li dessèr...sènso comta li aperitiéu, li digestiéu, tóuti li vin, blanc, rousen, rouge...e meme de champagno marca "Moussous de  la cavo de Novo"...Vesés que i'avié pèr faire la fèsto...e l'avèn facho!...es esta uno bello journado !

-Acò lou crese, mai vese pas perqué lou trou...?

-Après agué bèn manja, e bèn begu, se sian mes i devinaio.

-I devinaio?...

Vo !...i devinaio...li ome se tenien de darrié lou linçou, e passavon lou sèisse pèr lou trau...e li femo devien capita lou noum d'aquéu qu'avié passa la "bèsti"...

-Ero de segur proun amusatiéu!...auriéu ama i'èstre !

-Subre-tout que vostre noum es revengu bèn de cop !...

Uno galejado d'Estève Gaillardet