Li bocho

(revirado pèr l’ami Andriéu)

Dous jougaire à pèd-tanca à la retirado se demandon : « te creses que se jogue i bocho dins l’autre mounde ? Coume se di que lou tron sarié lou Bon Diéu que jogo i bocho… ».

- N’en sabe pas ges, mai lou proumié qu’arribara au céu, prevendra l’autre pèr tóuti li mejan poussible !

Lou marrit jour arribo, e l’un di coumpan a defunta…

Après quàuqui semano, dins la niue subran, lou qu’a parti aparèis davans soun coulego que ié demando :

- Alor, coume’s ?

* e bèn, ai uno bono e uno marrido nouvello pèr tu…

- Ah bon…

* Vouei, la bono nouvello, es qu’eici jougan bèn à la petanco !

- Alor, de-segur, que n’en siéu countènt, mai que voles me dire d’autre?

* la marrido nouvello, es que siés marca au councous de bocho de dissate que vèn…