.............LOU PICHOT DANIÈ.

Acò se passè dins la salo de classo de la Damisello Fabre à l’escolo primàri de Castèu-Reinard.

I’avié pas mai de dès minuto que li enfant èron rintra dins la classo que lou pichot Daniè, tout estransina dins lou founs de la salo, s’aubourè e questiounè la Damisello Fabre d’aquest biais :

- Damisello, me permetès de vous pausa uno questioun ?

- Segur Daniè ! Acò se demando pas. De-que t’arribo ?

- Bèn…voudriéu saupre, Damisello, se de cop que i’a, pourrié m’arriva de me faire crida après pèr quaucarèn que n’auriéu pas fa ?

- Mai que conte me fas aqui ! Daniè. Segur que noun ! Saras pas puni d’une causo que n’auras pas facho moun bèu !

- Ah !! M’avès bèn tranquilisa Damisello ! Me sentiéu pas rassegura….Aièr, ai pas fa li devé que nous avias douna à faire pèr este matin.

Chris Yso