........À L’ESCOLO PRIMÀRI

La mestresso d’escolo parlo à sis elèvo :

- Veguen un pau…Voudriéu que faguessias uno fraso amé lou verbe « presumi ».

Celino lèvo lou det pièi respond :

- Ièr-vespre, la mama a lava la veissello à la man, presumisse que lou lavo-veissello ero toumba en pano.

- Eicelènt Celino ! Aro, à tu Pascau, - countuniè la mestresso d’escolo-:

Lou pichot Pascau s’aubouro e respond :

- Adematin, papa es ana travaia amé la pichoto veiture de la mama. Presumisse que la siéuno ero en pano.

- Osco ! Es tras que bèn Pascau ! E tu Miquèu…dequé poudriés dire ?

Dins lou founs de la salo, Miquèu s’aubouro pièi :

- Aièr-matin, Paire-grand a sourti de l’oustau amé lou journau dóu matin souto lou bras, anavo dins lis óulivié…

- Chut !...teiso-te,- courregiguè la mestresso- pèr-ço-que noun poudiés pas saupre ounte anavo toun grand, adounc noun poudiés pas « presumi » de que que siegue.

- Perdoun Madamisello, leissas-me acaba ma fraso…

- Bèn !...Anen…

- Disiéu dounc – faguè alor Miquèu – ai vist Paire-grand que sourtié de l’oustau amé lou journau dóu matin souto lou bras. Presumisse qu’anavo caga dins lis óulivié car saup pas legi !!

Chris Yso