Canalblog
Editer l'article Suivre ce blog Administration + Créer mon blog
Publicité
Lis istori d'Estève
24 avril 2021

.........LOU BÈU JOUR DE PASCO

Quau a couneigu Tonin de Sant-Andiòu ? Tonin de Sant-Andiòu avié « begu » soun mas e tóuti si terro coume disié moun Grand. Ero lou plus grand ibrougno dóu Cantoun d’Orgoun ! Vous l’auriéu pas di, que l’aurias devina.
Quand èro enfant, avien degu ié faire teta de co de merlusso. Rèn ié poudié plus leva la set, meme l'aigo; car, aquel ibrougno estrange, bevié d'aigo en manjant. Disié que lou vin ié dounavo d'eigrour. Lou « pastis », au countràri, ié veloutavo lou góusié.
Quouro s'assetavo à l’Aubergo de Franço, i'ero pèr uno passado. La semano, soupavon tard à soun oustau. Lou dimenche, lou proumié de la grand messo aviè pas souna, que Tonin, pimpa coume un nòvi, aviè deja escoula dos o tres pastagas.
Un dimenche, qu'èro lou bèu jour de Pasco, èro davans un pastagas qu'aurias di un flan, de ço qu'èro espès, quouro passè moun Grand qu'anavo de-vers la glèiso coume touti lis anado, pèr faire si Pasco.
- Ho ! Tonin, vènes faire un tour à la messo ? diguè moun Grand au bevèire.
- Noun ! - respoundeguè Tonin- À la messo n'ia qu'un que béu, e es toujour lou meme !
Chris Yso
Publicité
Publicité
Commentaires
Publicité