Tóuti li presidènt de la Republico, an toujour agu de counseié pèr tout....un ome soulet pòu pas tout faire. Es pèr acò que s'enviròuton de counseié...pèr lou coumerce, l'industrio,l'agriculturo, lis esport, lis armado...e souvènti-fes, n'en fan meme si menistre.
Un d'aquéli presidènt, fai veni soun proumié menistre, fin de se rensigna.
-Alor,moussu lou proumié menistre, coume troubas ma poulitico ?
Coume fau toujour flateja un brisounet, jamai passa la brosso à rebous de péu !
- Moussu lou presidènt, me sèmblo que menas uno poulitico senado...e li gènt la sèmblon aprecia !
- Tant miés...tant miés !...res a rèn a se plagne?...
- Moussu lou presidènt ...S'ausave ?...
Ausas...ausas moussu lou proumié menistre...
- Vaqui!... se murmuro dins vostro esquino, e à la chut-chut, mai soun pas noumbrous...
-Dequé se dis?...
Se dis que lou presidènt inaguro mai de presoun.. que d'escolo !...
Aqui, lou presidènt chanjo de toun ;
- Te vau dire , Manouël, que pèr acò i'a uno bono resoun !...ço que i'a de segur, es que à l'escolo i'anarai jamai plus !...enterin qu'en presoun ?....