Uno bello istòri

Uno femo dóu pessu, grand genre, tengudo rigourouso, vèn emé sa chato Guenievro de dès-e-sèt an counsulta lou medecin de famiho.

- Ma chato Guenievro eici presento me dono soucit !

Lou mège emé respèt :

-Coume vai madamo ?

- Manjo coume quatre...a souvènt lou bòmi...e a pres proun de gaiardiso...

Lou medecin fai aproucha la fiho, la fai se desabiha, ié passo uno bono visito pièi, regardant la maire dins li iue :

-Madamo... vostro fiho es ... empregnado !...

La maire, tout d'uno s'aubouro de la cadiero met li bras sus lis anco, coume s'anavo dansa la farandoulo :

- Acò es noun poussible !...

- Pamens , madamo , vous pode afourti que Guenievro es grosso !

Moussu lou mège, de segur vous enganas...sachès pèr votro gouverno, dins nosto mai qu'unourablo famiho, desempièi de generacioun, uno fiho rèsto vierge enjusqu'au maridage!...e ma chato es pas maridado! ...e à Guenievro:

Moun adourado, me vas mas dire qu'as " fauta" ?....

Noun maire...vous lou pode assegura !...ai meme jamai embrassa un garçoun !...

Lou medecin fai uno fougno dubitativo...sènso rèn dire espincho la maire...pièi la fiho...plan s'aprocho de fenèstro, la durbi,e s'asseto sus lou releisset e espincho lou cèu, coume sian au mes de nouvèmbre, la niu a toumba...e rèsto aqui,  toujour mud !...

acò un bon moumen de tèms !...

La famiho se regardon...e coume fai uno deseno de minuto qu'acò duro la maire vèn  au mège :

-Amariéu de saupre ço que se passo ...dequé avès à bada lou cèu ?... Lou medecin , serious coume un Papo :

- Madamo...lou daridé cop qu'un afaire ansin s'es passa, uno estello beluguejanto a fa soun aparicioun dins lou cèu...alor, aquesto cop la voudrièu pas manca !...