Li bessoun
Dins lou cafè dou Grand’quartié, dous ome quasimen dou mem tèms soun à se crampouna au coumtadou…adeja proun « embuga »,e discuton,discuton… mai li lengo coumençon à patouia !
Un di dous se penjo sus l’autre,e se crampouno à sis espalo :
-Quant as de tèms tu ?
L’aure en se retenènt au coumtadou…
-Iéu ?... noun lou sabe ! aco chanjo touti lis an !... mai ço que siéu segur es qu’ai fa moun espelido…enco…de madamo Terme…en Avignoun !
-Pas poussible !...i’éu tambièn…siéu nasgu eila !...li lei de l’asard !
-Iéu …èro lou… espèro …lou… 12 d’avoust …en…1948 !
-Se vouliés !...iéu parié, la memo causo !... lou 12 d’avoust 48 !
-Es quand meme uno drolo de couëncidènci…aco s’arroso !...patroun mando n’en dous bèn tassa !
-Te rendes comte, dins la vido, i’a de moumen estraourdinari !...nascu lou meme jour , au meme endré !...i’a d’aqudéli cop !...sèmblo pas de bon !...patroun dous autre…e, plagnès pas la marchandiso.
Dins lou cafè rintro un autre cliènt que d’un biais d ’estaca lou bout, demando au patroun.
-Alors Feipe, dequé i’a de nou ?
- Oh, pas grand causo ! rèn de nouvèu ! à despart li bessoun que soun empega !...