L'estaca d'embassado

A passa tèms, e i'a pas tant de tèms qu'aco, li camin èron pas touti enquitrana, e tambèn pas di mai large, tant que pèr se crousa falié quàuqui cop que n'i'ague un di dous que reculèsse, lou mens tertard di dous!

Aqueste jour, que fasié uno bono semano que plouvié, Senepe et Cloutildo soun sus la jardiniero que vènon de derraba de porri is "Isclo", mai lou viage es carga arage, e faran li boto souto lou "cabanou", fin de plus se bagna.

Emé la plueio ,Matalo", lou miou a bassa lis auriho, e marcho plan plan mai tout- d'uno, l'atalage, dins lou pichot camin se trobo fàci-à fàci em'uno bello veituro negro, que de segur s'es esmarado, e coume i'a pas la plaço pèr dous, un ome, gravata e emcapela, sort la tèsto de l'auto, e se presènto, pensant empressiouna Senepe.

-ArnestOnasime du Gland-Doré...attaché d'embassade !

Senepe que lou miou vau jamai recula quouro plou, encaisso mai es un ome qu'es jamai gasta au nis:

-Senepe! dou mas dis arpioun!...e mi porri li vau estaca'mé de redorto!...

(Senepe du mas des arpions et mes poireaux je les attache avec de la clématite)