La dous chivau

Chris Yzo

Lou bèu jour que Jan Lou Tòti de Sant-Andiòu, emé sa femo Louiseto, vougèron estrena sa Dous-Chivau flame-novo, prenguèron la virado de la routo de Verquièro à grand trin e, li malurous desfourtuna, s’anèron garça dins lou valat ounte, pèr bonur, i’avié ges d’aigo.

- Urousamen, fasié, en countant soun auvàri , lou vespre , au cabaret de l’Auberge de Franço, urousamen i’a rèn agu de roumpu ! l’ai tirado d’aqui sènso la mendre gnoco !

- Quau, ta femo ?

- Nàni, la Dous-Chivau ! Ma femo, elo, avié soulamen dos costo enfounçado, soun nas coume uno coucourdo e un caiau i’avié peta tres dènt.