DESTOURBE DE L’EREICIOUN

Lou vièi Clarisso, que tout-aro manjo dins si nounante, se plagnié à soun ami Fermin de plus pousqué benda, e n’en èro inquiet.

Fermin, un galejaire de proumiero, ié diguè :

- Hè ! moun bèu, te fau manja de pan…un moulounas de pan ! Veiras, li resultat soun espetaclous. Acò s’esplico pèr-ço-que que lou pan tèn uno bono proupourcioun d’amidoun.

Lou vièi Clarisso carculè pas dos ouro… rèn de plus pressa que d’ana courre à la boulenjarié.

- Oh ! Boulengié. Dounas-me dès baneto.

- Dès ??!! Oh ! Capoun de sort ! Avès de mounde moun brave Clarisso ?

- Noun…noun.. Sièu soulet. Tout’acò’s pèr iéu.

- Hé ! bèn. Fau que vous avertisse. Acò vai dursi !

- Ah ! Ah ! -Faguè Clarisso- Vèse que couneissès lou remèdi à l’amidoun vous tambèn !

E d’escoundoun ié traiguè uno guignado d’entendemen.

de Chris Yso