Toto e lou bihet de 200€

Uno pichot cascareleto pèr la serado. Leno nue. À deman.

Toto se permeno emé soun paire, soun davans un oustau estranje emé d'èstro i courtino barrado, de lume dins I'intrado,....

- Digo me, Papa, de qu'es aquest oustau, digo me ????

Lou paire, enfeta

- es ren, es pas pèr li pichot. Lou saupras mai tard, anen, fasen tira la permenado.

Tre tourna au siéu, Toto pòu pas teni pèd à Ia curiousita. Proufichant d'un defaut d'atencioun de soun paire, pren un bihet de 200 èurò dins lou porto-fueio famihié e sor discretamen. Quauqui minuto mai tard, es dins la grando salo dóu grand oustau emé de courtino barrado e de lume dins I'intrado. Une dono se tèn darrié lou coumtadou.

- ben lou bonjour, Dono, escusas me de vous deranja, veici 200 èurò, e n'en voudriéu per mi dardèno !!!

La damo, enfetado, demando à Toto d'espera quàuqui minuto e s'en va pèr d'arrié ounte se trobo lou cap. - digo me, Guiseppe, i'a un pichot à I'intrado que m'a douna 200 èurò e que n'en vòu pèr si dardèno. De que faire ?

- sènso doutanço, es vitimo d'uno galejado de si coumpan mai vièi. Te souvèn de crespo qu'aven fa aièr. Rescaufo-lèi mai lèu e n'en douno quàuquis uno, sara countent e s'enanara...La dono, esgaiado, lou coumplis.

Tourna vengu à l'oustau, Toto trobo soun paire encagna que lou cerco despièi tout escas e qu'a vist lou raubamen dins lou porto-fueio.

- Toto, ount'ères.

- Ère dins lou grand oustau emé de courtino barrado e de lume a I'intrado.

Lou paire, tras que soucitous, se trasent mau de soun fiéu :

- e de qu'as fa dins aquest oustau ???

- Papa, acò èro fantasti Quet service !!!! Ai douna 200 èurò, m'an tourna douna 195 èurò mai en ai agu vue, e quatre d'entre èli èron tant caudo qu'ai degu lis acabado sus lou trepadou....

josette Brunel