lou mouribound

Ounte fau pausa lou smartfouno, à drecho o à gaucho de la sieto ?

A Maussano, d’eila l’Escampadou, darrié lis areno, Jè dóu Moulin anavo mouri d’uno marido fèbre cerebralo que l’avié fa tirassa mai dun an. Sa mouié, pecaire, ié bagnavo la bouco en plourant, lou counsoulavo e ié dounavo courage dóu miés que poudié.
- Ma caio bello, ve, diguè lou paure mouribound, en fasèn peniblamen un grand esfors, Ma caio bello, fai-me proumesso, quand sarai trespassa, de jamai espousa Coulau, noste contro-mèstre, que n’ensiéu esta tant jalous touto ma vido, sensa jamai te l’auja dire. Se ma fasiés aquéu sarreman, Mioun, mouririéu bèn tranquile e sènso regrèt.
- Moun paure Jè, se te fau qu’aquelo proumesso pèr mouri en pas, te jure bèn voulountié que jamai Coulau me sara rèn. Ai pensa, aquésti jour, quand t’avèn vist tant malau, que moun cousin Gaspard de Mouriés, farié bèu-cop miés moun afaire, e nous sian douna paraulo .