..........PÉDELÈBRE, LOU CASSAIRE

..........PÉDELÈBRE, LOU CASSAIR de Chris Yso.

À Sant-Andiòu, tóuti couneissien lou gros Pèdelèbre. Lou plus gros e lou plus famous cassaire dòu Cantoun d’Orgoun. D’ùni que i’a, disien qu’èro lou proumié fusiéu dóu terraire. Aquest ome ero veritablamen neissu cassaire. E, à dire lou verai, crese pas que, dins un autre vilàge que Sant-Andiòu, pousquessias trouba un ome pèr quau la casso siegue estado pourtado à-n-un tau poun de passioun e de perfecioun. Mai pamens, lou gros Pèdelèbre, tóuti vous lou diran, èro sarra coume uno pigno, un avaras, un ràspi,  un esquicho-bougneto coume s’en véi gaire souvènt , aurié toundu un iòu e vendu la lano.

Un bèu jour anè à Cavaioun pèr croumpa uno bello vesto de casso, pèr teni aut sa reputacioun. Dins la boutigo « lis Elegant », lou gros Pédelèbre troubè ço que ié fallé, e demandè lou pres :

- « Acò’s 380 € ! diguè lou marchand.

Lou sang dóu gros Pédelèbre se caiè !

- « Oh coquin de sort ! es voste pu juste ? »

- « Es moun pu juste ».

- « Alor disès que poudès rèn me ié leva ? »

- « Dise pas acò. Se voulès, vous ié levarai li boutoun ! »