Lou grand resistènt

Mas Roumput e Lisa Libofi soun marida desempiéi....prun de tèms. Aquéu que se ié disié " lou reinard dóu Ventour" pendènt la guerro de 40, qu'èro un grand resistènt, medaia pèr forço fa de guerro, aganta pèr lis alemant, escapa, mai acò leisso de souvèni pas toujour agradiéu.

En pleino niue, se reviho, susant e cridant:

-Noun,noun ...m'agantarès pas !...vivo a Franço!...

Lisa lou tarabusto :

-Dequé  t'arribo mai ?...

Mas, emé lis iue que ié sorton de la tèsto :

- Ai agu la chaucho-vièio!...Lis alemand me coursejavon, e me sièu turta à-n'un baus entravadis...ai barrula dins lou gargai...urousamen ai capita de m'arrapa à-u-uno mato d'erbo...

Lisa qu'a mai de som que la grosso campano:

-Moun bèu Mas !...ameisso-te !...aro sian en quatre-vint cinq !...la guerro es acabado i'a mai de quaranto annado!...tout acò es fini e bèn fini !...siés sauve...te pos rendourmi...mai se te fai rèn, aro pos lacha la mato d'erbo !...