la loutarié

La vèio dóu tirage de la darriero grando loutarié, Ounourino la Pachouqueto di Costières anè vèire un espèci d’astrolò à la plaço dou Clos à Cavaioun, pèr saupre se soun numerò sourtirié.
L’astrolò reluquè lou bihet, pièi, prenènt un moussèu de papié coume un timbre-posto, i’escriguè lou numerò dessus, fagué uno bouleto dóu papié, l’avalè, e diguè à Ounourino :
« Madamo, poudès èstre seguro que voste numerò sourtira deman ».
Ounourino la Pachouqueto s’enanè countènto que se-pòu-pas-mai en leissant uno pèço de quaranto sòu à l’astrolò.