Lou bèu presènt.

Demoustene es un ome à coumta si sòu, fin d'espargna...coume se dis, aurié fa de pessus à-n-vitro !...
Lou jour anniversàri de soun maridage, s'es escagassa de faire un prèsent à sa femo...fau dire que Filoumeno, desempié proun de tèms, avié ges de cèsso de ié rechapla que ié faudrié faire un present pèr festeja li noço d'or.
Pèr un presènt, a fa un bèu presènt...que i'a cousta proun de dardeno..uno councessioun dins lou cementàri...bèn plaçado...à l'oumbro l'estiéu...à la calo l'ivèr..e pas trop liuen dóu roubinet !...
Mai l'an d'après, coume es mai l'anniversàri de maridage, la femo vèn mai :
- Demoustene, iè sian mai !...dequé m'as croumpa aquest an ?..
- Aquest an t'ai rèn croumpa !
- Tambèn, l'an passa m'as fa un bèu presènt...la councessioun !..
- Se aqueste cop t'ai rèn croumpa es pèr la bono resoun que te siés pas servido dóu presènt de l'an passa !...