La chausido
Un ome forço riche meme un richas, aviè tres chato, li dos einado acò poudié ana, li madidavon ...mai la tresenco èro forço laido, acò pòu tambèn arriba...Mai à la quaranteno de la fiho,coume s'es res presenta, lou paire pren lou biòu pèr li bano , e cerco de pretendènt...n'en trobo tres, mai interessa pèr li sòu que pèr la fiho.
Fin de li juja sus pèço , li fai veni dins lou castelet , e ié pauso de questioun:
-Se pèr carriero venias à trouba un bèu porto-fuèio, emé dedins la soume de un milioun d'eurò, dequé n'en fases ?
Lou proumié , que sèmblo ouneste :
- Iéu coume es pas miéu , lou toque pas !..
Lou segun :
- Iéu lou campe e l'aduse au coumessariat...e un an après me vau rensigna, vèire si pèr cop d'astre res es vengu lou reclama...
E au tresen :
-E tu dequé fariès ?...
- Quant avès di ?...
- Un milioun !...
- Un milioun ?...alors escoutas-me, lou porto-fueio lou campe, lou garde pèr iéu, e vous dise, vous e vostre mouniasso de fiho poudes ana vous faire encadra !...