Louis en vesito à Paris mounto dins un tàssi ...mai, après agué grata camin un moumenet, s'apercéu qu'es pas dins la bono direicioun e, coume chanjo d'idèio, toco l'espalo dóu menaire fin de i'esplica soun chajamen...aquéu se met à brama...lacho lou voulant...met li man sus la tèsto mounto sus lou trepadou...e fin finalo dins un darrié ròu-tòu-tòu la veituro calo à quàuqui centimètre d'uno veirino !...

Silènci dins lou tàssi... tóuti  dous s'espoungon lou front...e tremoulon !...

Pièi lou menaire au passagié :

- Faguès-me escuso, moussu !...ai talamen agu pòu !...

Louis , qu'éu tambèn a fa tres-tres :

-Dequé s'es passa ?...

-Es que vous dève dire, qu'es lou proumié jour que mene lou tàssi...en jusqu'aro, vint cinq an de tèms ai toujour mena ....un gourbeiard !...alors, pensas, quouro me siéu senti touca l'espalo....

 

chauffeur-de-taxi