Auber a tres bon chin de casso. Mai meme bèn dreissa, n'i'en a un, Venaki que, de-longo margasso li dous autre, ié cerco garouio, e lis empacho de cassa . Sarié-ti lou maridun o la jalousié, toujour que li pòu pas mena tóuti tres à la casso.
Auber a bèn assaja de mena un cop Venaki, un cop li dous autre , mai aquéu o aquéli que reston au mas, noun s'arreston de gingoula o de japa.... Tant que se rénd à la fiero, fin de vendre Venaki.
Un que counèis Auber, e que saup lou chin bon cassaire, ié demando coume vai que lou vènd...Auber ié dono l'esplico...
- Sabe que toun chin casso à la perfeicioun ...mai amariéu saupre se Venaki es un chin fidèu, ai toujour ama li chin fidèu !
Auber lou regardo dins lis iue:
- Se Venaki es fidèu ?...Aqui me n'en dises uno bono!...i'a pas mai fidèu qu'aquéu chin, es fidèu demié li fidèu !...
- Auriés uno provo de sa fidelita ?

- De segur !...aqui toumbes bèn !... uno provo de sa fidelita ?...Fai quatre cop que lou vènde...e quatre cop es revengu au mas !...