Souto la taulo

Un ome qu'es bèn alisca, de poulit vèsti, gravata, e uno femo, pourtant bèu, couifado coume fau, soun asseta pèr soupa à la pichoto aubergo de Novo...

Lou rode es chanut..de flour d'en pertout, li cubert esbrihaudant, li sieto lusissanto, e lou rebalun apetissènt, un mouloun de servidou...quouro lou mèstre d'hotel s'aperçéu de quaucarèn qu'es pas ourdinàri...l'ome que marco bèn assajo, discretamen de se glissa souto la taulo...alor que la poulido femo fai coume se rèn n'en èro !...

Tant lèu , mai sènso se despacha, lou mestre d'hotel s'aprocho en jusqu'à la taulo dóu parèu,e demando à la femo :

-Vous demando escuso, madamo, s'ai bèn vist vostre marit vèn de s'esquiha souto la taulo !...sias seguro que tout vai coume voulès ?...

-Tout vai pèr lou miés, moussu...e gramaci de vostro prevenènço...mai la situacioun dóu moumen.......fau que vous digue, que moun marit es pas aquéu souto la taulo... moun marit es aquéu di gròssi moustacho que vèn just de rintra dins la salo dóu restaurant !...