Nazaret, Diéu e Jèsus.

Fai niue.... Tóuti lis ounèsti gènt an plega parlelo... à despart de Teoudose lou maufaras,qu'èu, en esclapant un carrèu de la fenèstro es intra encò dóu bel oustau de Mèstre Quatre-vint , lou noutàri de Gasto-la-Sausso.

Teodose saup l'oustau vuejo, aguènt espincha un parèu d'ouro, e vist parti la veituro dóu notàri.

S'alesti à faire desplego de soun "materiau" pèr ataca lou cofre-fort .

En aquéu moumen, ausis darrié éu uno voues rauco que ié vèn:

- déuriés faire mèfi!...Diéu e Jèsus te regardon!..;

D'estabousimen, lou raubaire, que, li dènt se meton à faire trento-tres, se reviro, e dins l'oumbriho de la pèço entre-vèi uno gàbi...e dedins un papagai !

Soulaja lou raubadou repren soun alen...e au parrouquet:

Coume te dison...aucéu que m'a fa pòu?...

-Me dison Nazaret !

Lou voulur esclato de rire....

Acò es un noum à coucha de-fore !...quau es l'ensuca que t'a trouba un noum ansin ,..

E Jaco, en s'aliscant li plumo:

-Es Mestre Quatre-vint...e es éu qu'a bateja tambèn lou pitbull Diéu,e lou Rotweiller Jèsus...e lis iue que veses lusi darrié iéu es éli...soun à espera que toques lou cofre pèr te sauta dessus !...