La vesito musicalo

Lou pichot Harry arribo de l'escolo carga d'un èr pensamentous....Qu'en lou vesènt li parènt ié demandon ço que se passo..se s'es fa amounesta pèr l'ensignaire o s'es malaut.

-Noun, rèn de tout acò...ço que me fai chifra es que nostre institutour nous a avisa que, deman avèn uno vesito musicalo !...

La maire proun estounado :

- Uno vesito musicalo ?...siés segur de pas engana ?...

- Noun ,noun !...uno vesito musicalo.

Alor lou paire, qu'es proun saberu, éu qu'a manca de just de passa lou certificat d'estudi :

- Harry, sarié pas uno vesito medicalo que nous voudriés dire ?..

- Siéu quand meme pas nèsci...vous dise uno vesito musicalo !...

Li parènt se meton à chifra un moument..qu'en aquéu cas, elo se grato souto li bras, e éu lou dessus de la tèsto..pièi lou paire :

- Uno vesito musicalo !...aquelo es pas mau ..tu qu'as jamai fa de musico!..coume pòu bèn veni...uno vesito musicalo!..siés segur ?....

E Harry, fin d'afourti qu'es bèn uno vesito musicalo:

-La provo, es qu'anèn tóuti passa à la radiò !...