Li dous gardian

Dos jouino touristo toumbon en pano au bèu mitan de la Camargo...es niue..e quouro entre-veson un lume, li dos fiho qu'an ausi de pas de bèsti, de bramarié,... de batamen d'alo.... buton lou pas vers aquéu lume trantraiant e arribon à-n-uno cabano de gardian...picon, e la porto se duerb...

Li dous fraire gardian se fan esplica aquelo pano, mai coume an jamai utilisa de veituro, ié podon pas rèndre service...mai li counvidon à manja la soupo, e ié demandon se volon jaire aqui...

Li dos  fiho noun refuson e coume noun sabon coume li gramacia, ié prepauson de coucha pèr parèu...ço qu'es fa !

Avans de coumença "li grandi manobro", li chato ié fan metre un "preservatiéu", qu'an sèmpre dins lou sa, en cas de besoun...

Un di fraire, l'eina :

- Mai dequ'ei aquelo bèsti ?...

Uno di chato esplico :

- Acò es fin de pas agué d'enfant !

E lou jo de la bèsti à dos esquino se debano...

L'endeman , li dous gardian, sus si bèu chivau camarguen menon li dos touristo à-n-un garage di Santo e se fan si adessias...

Belèu tres mes après, li dous gardian soun encaro à pantaia en aquelo famouso niue, quand subran l'einat vèn :

- Ho ! sabe pas tu... mai iéu enfant o pas enfant, aro n'ai moun proun .. lou vau enleva lou "preservatiéu" !....