Tastas-lou
Au restaurant, davans uno sietado de poutage, Damàsi souno lou servidou:
-Me voudrias tasta aquéu poutage ?
Lou servidou grimacejo :
- Perdequé?...es pas goustous ? vous lou pode chanja !...
- Noun vous demande pas uno autro sieto, vous demando just de lou tasta !
- Mai se moussu lou vau, ié pouden adurre autro causo !... qu'aucarèn que belèu vous agradarié mai...
- Noun !... m'avès mau coumprés !... vous pregue de tasta aquéu poutage !
-Se i'a qu'acò pèr vous faire plesi... vous lou metrai pas sus lou comte !
-Es pas que vole que m'en faguès presènt, ...mai tasta-lou !
Fin finalo, lou servidou que n'en a soun proun, fai veni lou chèfe qu'arribo emé li man sus lis anco e la toco de travès :
-Dequé troubas à moun, poutage ?
- Moussu..se lou voulias tasta ...?
Coume fau pas trop chaupina li artèu i cliènt que soun semena clar...lou chèfe se decido:
- Bon!...lou fau pa souvènti fes...mai lou vau tasta vostre poutage ! ....Moute es vosto cuiero ?
- Ah ! Pamens ! ... acò me fai plesi !... aves arremarca que de cuiero ...n'a ges !...