Lou vièi parèu

Un vièi parèu, proun dins l'age, qu'an abena un mouloun de causseto ensèn, soun alounga dins lou lié...un sèr...Gustave es procho de s'endourmi, quouro, Germano, sa femo desempièi mai de sieissanto an se sènt un pau ..."roumantico"... pènso en quaucarèn, qu'a passa tèms...e vèn à Gustavo:

- Moun Escari, aviés l'bitudo, quouro erian mai juine que vuei, de ma teni la man !

Gustavo estiro la man...ço que ié fai reviha soun raumatismo de l'espalo... e crampouno la man de Germano...toujour pensant de beissa parpelo...La femo, ié vèn pièi:

-E aviés tambèn lou biais de m'embrassa !

Eu, qu'a mai de som que la grosso campano, ié fai un poutoun sus la gauto, ço que lou fai mail gemi... se reviro, fin de parti au païs di souge...mai la femo  apound :

- De cop que  i'a, t'arribavo de ma mousiha dins lou coui !

Aqui, plan-planet, Gustavo pousso li couberto emé li pèd, tout aisso, qu'aqueste cop es li raumatismo de cambo que lou fan soufri...e , assajo de se leva...

Estounado, Germano ié demando :

-Mai , moute vas ?

- Aro, se te fau mourdeja lou coui... vau querre mi dènt !...