Lou bihet dou trin
De toustèms i’a agu rivalita entre li gènt de Gravesoun (lis embourigo de bos o lis manjo grapaud) e li de Maiano (carretié de Maiano, verso dins la plano o li manjo granouio).
Uno banco agricolo a chausi quatre titulàri d’un comte dins chasque vilage pèr ana dous jour au saloun de l’agriculture à Paris, touti fres paga, à despart dou vouiage. Que fugue lis un coume lis autre, s’estimon èstre li mai degourdi. Li quatre maianen croupon chascun soun bihet, d’enterin que li gravesounen n’en acheton qu’un…e dins lou trin, quouro lou countroulouraire arribo, se van embarra dins li teleto…lou founciounàri demando lou bihet ques glissa souto la porto…pounçouna e rendu.
Li maianen qu’an assista à la roublardiso, soun proun escalustra de l’afaire…e de retour, prenon un soulet bihet…i’a ges de resoun. A Maiano , sian pas plus couioun !...
Li gravesounen, éli, de bihet n’en ges acheta, e quouro lou countroulouraire arribo, passon avans éu davans li teleto di maianen , se fan remetre lou bihet, e se van escoundre dins li teleto d’a coustat fin d’utilisa lou bihet di maianen !...