Canalblog
Editer l'article Suivre ce blog Administration + Créer mon blog
Publicité
Lis istori d'Estève
8 juin 2013

Lou fautuei oublida

Michèu lou representant d’oli pèr li tratour fai sa tournado coume touti li dous mes, e en arribant au cafè dou Progrès d’Eirago, mounte saup rescoutra de cliènt, vèi un ome davans la porto que se tarnasso pèr sou, empega coume uno rosso…e, mai que lou counèigue pas :

-Eh !...moun coulègo, as l’èr de n’en teni uno bono !...

L’ome coucha, parpelejant, grimacejant, e la voues pastouso :

-Dequé se passo ?...dequé  i’a ?...mounte siéu ?...

Michèu que se trobo èstre un brave ome :

-Ai coumprés !...te vau ajuda !...

Michèu emé proun de peno aubouro l’ibrougno, lou met sus sis cambo… mai aquéu toumbo mai sus lou trepadou …lou representant assajo enca’n cop…mai pataflou, l’embut s’agraso mai !...Alor Michèu regardo dins lou porto-fueio de l’ome, legis l’adresso, e pourta de bono voulounta, lou cargo sus lis epalo e susant e boufant l’entourno au siéu…arriba, pren li clau dins la pocho dou chucho-moust, pervèn à dourbi la porto,e lou coucho sus lou radassié.

L’endeman de-matin, lou telefono sono enco de l’empegadouro…es la femo que respond, en meme tèms qu’apercéu soun marit afala sus lou radassié…

-Ibrougno !...te siés mai mes bèu aquesto niue !...

-Noun !...noun !...es pas verai !...ai pas begu !...

-En mai d’aco te garces de iéu !...lou patroun dou cafè dou Progrès me vèn de souna !...as mai oublida toun fautuei courredis de paraliti eila !...3530547_dessin_anime_globe_homme_assis_dans_un_fauteuil_roulant_pour_handicapes

Publicité
Publicité
Commentaires
Publicité