Lou pintouresc
N'en sabes qu'an persegui sis estudi, iéu es lis estudi que m'an persegui...en jusqu'a l'age de quatorge an ... mai quouro an coumpres que me poudien pas raganta... an arrèsta. Mai d'aco i'a uno bonopassado...e noun sabe se se fai toujour, talament li causo mudon. Dou tems que vous charre, just avan de passa lou certificat d'estudi primàri, lis ensignaire nous fasien faire ço que se disié uno redacioun: counta à nostro idèio un evenimen, un escaufèstre, quaucarèn que s'èro passa dins la vido vidanto, e l'escriéure emé proun de detai s'un parèu de pajo.
Aquéu jour, l'ensignarello a douna coume sujèt: "-Vous permenas dins lou campèstre' e sias frapa pèr lou pintouresc...countas ço que se pau passa."
Dès minuto passado, un dis escoulan rènd sa fueio que l'ensignarello legis:"-Dimenche passa, coume me permenave dins un poulit cantoun, tout-d'uno sourgis lou pintouresc que me pico dessou...pataflou!...e sièu toumba ensuca de mourre-boudoun...tant que m'ensouvène plus de rèn!...