Gramaci moun diéu
Li Manjo- Cebo soun de gènt qu'an proun de pratico e se couchon pas à la glèiso, ié soun proun souvènt penja. Lis enfant an jamai manca lou benedicite d'avans li repas, e la preguiero dou coucha. Aqueste sèr, li parents, en passant davans la parto dou cago-nis, qu'es à geinoui à recita sa preguiero:
-Moun Diéu, gramaci de nous teni touti en bono santa, gramaci de nostre pan de chasque jour, gramaci pèr aquéli bèlli journado, gramaci pèr touti li bèsti dou mas qu'an d'alo, lou galinié e lis aucéu, e gramaci encaro de pas agué douna d'alo à la vaco...
Sousprés li parént duerbon la porto.
-Coume vai que gramacies Diéu de pas agué douna d'alo à la vaco?
Lou pichot s'aubouro:
- Dins lou tantost, davans lou pijounié, un aucéu en me passant sus la tèsto m'a caga sus l'iue...e pènse qu'urousamen èro pas la vaco !